Deputeti i Lëvizjes Vetëvendosje, Haki Abazi, ndonëse i ka prishur marrëdhëniet me këtë parti, zyrtarisht është ende përfaqësues i saj.
Në fjalën e tij para Kuvendit të Kosovës, Abazi që në fillim protestoi se nuk po i jipet e drejta për të folur, duke thënë madje se “parlamenti udhëhiqet nga Glauk Konjufca, e jo Dejona Mihali”.
“Duhet të jetë hera e fundit që tentohet me u ngulftaë demokracia në Kuvend. Nuk duhet si deputet që unë të protestoj sa herë them diçka në këtë vend, pavarësisht prej qëndrimit që kam, sepse unë barti përgjegjësi për atë që e them edhe qëndrimet që mbaj. Këtë parlament e udhëheq Glauk Konjufca, jo Dejona Mihali, nuk përcaktohet lista e deputetëve nga jashtë parlamentit të Kosovës.” – tha ai.
Abazi vijoi me kritika ndaj sistemit të Drejtësisë, madje duke e përmendur me emër ministrin Xhelal Sveçla. Sipas tij, policia nuk po i ekzekuton vendimet e Gjykatës.
“Kemi 22 raste penale me vendim të Gjykatës, ka fletarrest njeriu. Që 6 muaj policia e udhëhequr nga Xhelal Sveçla nuk bën ekzekutimin e vendimit të Gjykatës. Që 6 muaj ka fletarrest nga gjykata, dhe njeriu shëtitet nëpër rrugët e Prishtinës çdo ditë…Nëse flasim për drejtësi, duhet të flasim për drejtësi jo selective ndaj atyre që na konvenon ose nuk na konvenon…Duhet të flasim sepse në moment kur përcaktohen precedane, atëherë gjithkush ka të drejtë të thotë gjithçka.” – tha ai.
Ndonëse nuk u dëgjua çfarë i tha, bashkëpartiaku i tij Sali Zyba ndërhyri, por kjo e nervozoi Abazin i cili iu drejtua me fjalët “Të lutem, mbylle gojën”.
