Manchester City po e përcjell hap pas hapi Arsenalin në krye të tabelës, së fundmi me fitoren 3:1 ndaj Leicesterit në pasditen e së shtunës, që qytetarët i sheh vetëm tre pikë prapa topçinjve. Tani skuadra e Pep Guardiolës ka tre përballje të njëpasnjëshme, të cilat të gjitha janë vendimtare.
Qytetarët udhëtojnë në Gjermani për të zhvilluar të mërkurën ndeshjen e kthimit ndaj Bayern Munich në kuadër të çerekfinales së Ligës së Kampionëve, me rezultatin 3:0 nga ndeshja e parë, që është një qetësi e madhe për kampionin anglez. Pas kësaj, në fundjavë do të përballet me Sheffield United në gjysmëfinale të FA Kupës.
Skuadra e Pep Guardiolës duhet të marrë rezultate të mira nga të dyja këto ndeshje, por ndeshja e tyre e ardhshme në ligë është vendimtare për titullin kampion, pasi i sheh ata kundër skuadrës së Mikel Artetas, në shtëpi të mërkurën, më 26 prill në Etihad Stadium.
“Siç thashë në konferencën e mëparshme për shtyp, duhet të fitohet, fitohet, fitohet”, tha Guardiola.
“Arsenali ka pasur një ecuri të jashtëzakonshme deri më tani këtë sezon, nuk mendoj se do të humbin shumë pikë dhe ne duhet të jemi aty afër. Është e rëndësishme për ne që arritëm të fitonim ndeshjen përpara një finale kundër tyre në ndeshjen e radhës në Premierligë”.
“Është një finale për të luajtur, për të pasur më shumë finale. Nëse e humbim këtë lojë, do të përfundojë pothuajse gjithçka rreth titullin kampion. Duhet të arrijmë në këtë pozicion duke pasur mundësinë të jemi afër Arsenalit. Ne e duam këtë mundësi duke ditur se sa e vështirë do të jetë, por para kësaj kemi një shans për të shkuar në gjysmëfinale të Ligës së Kampionëve dhe një tjetër në Kupën FA për të shkuar në finale”, tha ndër të tjera trajneri spanjoll.
