Qeveria e Republikës e udhëhequr nga Albin Kurti ka mbajtur mbledhjen e 151-të.
Aty janë paraparë të merren disa vendime. Njëra prej tyre është votimi i përbërjes së re të anëtareve zëvendësues të Komisionit. Të Pranimit për institucionet e administratës shtetërore për Grupin Specialist i Arsimit, Grupi Nr. 49 i emëruar sipas pikës 1 të këtij Vendimi ka një mandat dy (2) vjeçar.
Edlira Qalija, Universiteti “Kolegji AAB” anëtare. Kjo është bashkëshortja e gazetarit të njohur, Milaim Zeka. ky i fundit njihet si kritikues i madh i pushteteve, përfshirë edhe qeverisjen e Albin Kurtit.
Gazeta Papirus ka kontaktuar për këtë vendim të Qeverisë Kurti, me Milaim Zekën, por ai është shprehur i habitur dhe nuk ka pasur informacion se për çfarë vendimi bëhet fjalë.
”Nuk jam në dijeni për çfarë po më pyesni, për çfarë komisioni bëhet fjalë. Unë kam qenë dhe jam kritikues i Qeverisë Kurti. E kam thënë dhe e them edhe 100 herë se e përkrahi Qeverinë Kurti 80% për politikën e brendshme, ndërsa për politikën e jashtme nuk e mbeshtes aspak”, shprehet Zeka.
Ai tutje thotë se dy vitet me të mira të tij kanë qenë kur ishte deputet i koalicionit PAN e ku kishte qenë kritik ndaj Qeverisë Haradinaj, ku edhe vetë ishte pjesë e shumicës së asaj përberje qeveritare.
”Dy vitet më të mira të jetës sime kanë qenë kur isha deputet dhe kur isha poashtu kritikuesi më i madh i Qeverisë Haradinaj, pjesë e shumicës paralmentare ku bëja pjesë edhe unë” përfunoj Zeka për Gazetën Papirus/Gazeta Papirus/
