Mason Greewood është prezantuar te Getafe, pasi u arrit ujdia për formën e huazimit në ditën e fundit të afatit të kalimtar të transferimeve.
Manchester United, që ka kartonin e tij do t’i paguajë 50 për qind të pagës deri në qershor të vitit 2024.
Përndryshe, Greenwood ishte përjashtuar nga Djajtë e Kuq, pas akuzave për dhunim dhe rrahje ndaj të dashurrës, akuza të cilat kanë rënë poshtë pastaj gjatë shkurtit të këtij viti.
Unitedi fillimisht ishte pajtuar me lojtarin në fjalë dhe ai pritej të kthehej në ekip, por që ndryshoi mendje më pastaj dhe pas një hetimi që u tha se ishte kryer ndaj tij, ishte marrë vendimi që ai të largohej.
Për largimin, kishte folur edhe vet sulmuesi anglez, i cili kishte deklaruar se është koha që të nis karrierë të re larg “Old Traffordit”.
Kështu, ai tani do të ndryshojë mjedis, dhe do të luajë në futbollin spanjoll duke filluar nga ky sezon.
Ai ishte kërkuar nga shumë skuadra në Itali dhe më gjerë, por zgjedhja e tij ishte Spanja, te Getafe.
