Opinionisti Dukagjin Gorani ka thënë se Kosova është një hap para konfliktit të armatosur me Serbinë. Ai këtë e tha pas deklaratave të presidentit serb, Aleksandër Vuçiq dhe kryeministrit të Kosovës, Albin Kurti.
Gorani në T7 tha se nëse deklaratat e krerëve janë të vërteta, atëherë Kosova është një hap para konfliktit me Serbinë
“Nëse është me i zënë besë, Vuciqi e ka seriozisht që marrëveshja e Brukselit ka marrë fund dhe që realisht sipas tij Kosova e ka në mend me godit Serbinë. Është ka vjen kjo prej presidentit të Serbisë. Ndërsa, kryeministri i Kosovës thotë se janë 10 organizata ekstremiste serbe në Kosovë, nëse kjo është e vërtetë, ish dashtë me i marrë si të vërteta. Me këto dy të vërteta që janë thënë nga Vuçiqi dhe Kurti, na jemi një hap para konfliktit të armatosur. Nëse këto janë të vërteta”, deklaroi ai.
“Ekziston opsioni i dytë që këto deklarata me i zënë të pavërteta, e që janë elektorale. Nëse është kjo e dyta, atëherë këta dy njerëz, secilin në rajonin e tij, janë t’u dashtë me e bind elektoratin edhe popullatën që mos me i marrë seriozisht”, shtoi më tej ai.
