Gogiq në një prononcim për GazetaBlic theksoi se, Beogradi do të marrë vendim që t’i shtyjë serbët të rikthehen në institucionet e veriut, por në një moment tjetër, pasi sipas tij, zgjedhjet e 23 prillit janë shumë afër dakordimit që u bë në Ohër për marrëveshjen Kosovë-Serbi.
“Vendimi i Srpska Lista duhet të shihet në kontekstin më të gjerë të kthimit të serbëve në Kosovën veriore në institucionet. Çështja është se zgjedhjet po vijnë shumë shpejt pas marrëveshjes së Ohridit. Beogradi me siguri në një moment do të shtyjë serbët në veri të kthehen në institucione. Sidoqoftë, është shumë shpejt për këtë në këtë pikë”, theksoi Gogiq.
Sipas Gogiqit kushti i serbëvë për të marrë pjesë në zgjedhje është Asociacioni.
“Kthimi i serbëve në institucione ndoshta do të pasojë më vonë si pjesë e zbatimit të marrëveshjes së Ohridit. Serbët ndoshta do të presin që Prishtina të ndërmarrë disa veprime në lidhje me marrëveshjen e vetë-menaxhimit si parakusht për t’u rikthyer në institucione. Vetëm në këto rrethana, serbët do të vendosnin të merrnin pjesë në zgjedhje”, tha ai.
Gogiq thotë se me mos-pjesëmarrjen e Listës Serbe në zgjedhje, nuk do të ketë qytetarë serb që do të votojnë.
Gogiq paralajmëroi se mund të ketë krizë të re në veri të Kosovës.
