Përgjatë dy ditëve, shumë lagje në Prishtinë kanë mbetur pa ujë të pijës. Për këtë, Kompania Rajonale e Ujësjellësit “Prishtina”, ka thënë se kjo ka ndodhur për shkak të një defekti në rrjet.
Lidhur me këtë ka reaguar edhe Komuna Prishtinës, ku tha se ekipet teknike janë në terren dhe po punojnë për identifikimin dhe sanimin e defektit sa më shpejt që të jetë e mundur.
“Ujësjellësi Rajonal “Prishtina” premton se furnizimi me ujë do të rikthehet sa më shpejt që të jetë e mundur”, thuhet në njoftimin e tyre të bërë në rrjetin social ‘Facebook’.
Njoftim i plotë:
Ujësjellësi Rajonal “Prishtina” njofton se për shkak të një defekti në rrjet, disa rrugë në Prishtinë momentalisht janë pa furnizim me ujë. Zonat e prekura janë:
• Muharrem Fejza
• Holger Petersen
• Rruga “B”
• Ukshin Kovaçica
• Jakov Xoxa
• Ahmet Gashi
• Muhamet Qami dhe rrugët përreth Mati 1
Ekipet teknike janë në terren dhe po punojnë për identifikimin dhe sanimin e defektit sa më shpejt që të jetë e mundur.
Ujësjellësi Rajonal “Prishtina” premton se furnizimi me ujë do të rikthehet sa më shpejt që të jetë e mundur.
Ju falënderojmë për mirëkuptim!
