Mëngjesi i 17 korrikut ditën e djeshme, për ish-ushtarët e UÇK-së të regjionit të Drenicës ishte i veçantë. Kjo për faktin se ata u nisën herët për t’i nderuar shokët e tyre të cilët ranë dëshmorë në datën e 17 korrikut të vitit 1998.
Grupi i veteranëve, “Shqiponjat e Arta”, ishin mbledhur së bashku për nderime në lapidarët e dëshmorëve, Bashkim Kerolli, Adem Ademi dhe Ramadan Fazliu.
Gazeta Papirus ka qenë në vendin e ngjarjes, ku ka përcjellur nga afër të gjitha aktivitetetet e organizuara atë ditë.
Në një fjalë rasti, Gzim Zuçaku nga Shoqata e Familjarëve të Dëshmorëve, tha se dëshmorët nderohen kur vizitohen dhe është një obligim moral dhe kombëtarë t’i vizitojmë ata.
“Ne duhet t’i nderojmë dëshmorët sepse ata janë vetë liria jonë, prandaj ne sot nuk kemi nderuar vetëm veten tonë por edhe shtetin, sepse falë këtyre burrave, sot ekziston shteti jonë”, tha ndër tjera Zuçaku.
Ndërsa, Bahri Ahmeti shtoi se mbi 30 të vrarë kanë ra dëshmorë dhe shumë tjerë janë plagosur.
“Ne ende nuk po mundemi me e bë gjumin si gjum pa i gjetur eshtrat e familjarëve tanë. Kërkoj nga Qeveria apo instituconet përkatëse të ndërmarrin masa dhe të gjenden eshtrat, në mënyrë që familjarët tanë e na si bashkëluftetarë të flejmë ndonjëherë të qetë dhe mos t’i mbajmë në mendje çdoherë se ku me i gjet eshtrat e familjarëve tanë”.
Shiko videon e plotë:
/Gazeta Papirus/
Shënohet 25-vjetori i rënies së dëshmorëve në “Rrasë të Zogut”
