“Serbia nuk e pranon që Kosova është e pavarur, po përpiqet në çdo mënyrë që t’i kthejë gjërat në fillim dhe të tregojë e dëshmojë se Kosova duhet të jetë në Serbi, është një politikë revizionizmi dhe është si politika e Putinit për të rikthyer Bashkimin Sovjetik. Fatkeqësisht Serbia e humbi Kosovën”, thotë Milo Gjukanoviq, transmeton Gazeta Papirus.
Ai deklaroi se situata në Ballkan sot është më e keqe se gjashtë apo shtatë vjet më parë.
Ai thotë se ka tërhequr vëmendjen kur ka biseduar me zyrtarë evropianë dhe të NATO-s, se nuk ka vakum në gjeopolitikë dhe se nëse BE-ja dhe NATO nuk janë prezente në rajon, do të hyjë dikush tjetër dhe se Rusia ka përfituar nga kjo.
“Fatmirësisht jemi anëtarë të NATO-s, por disa herë së bashku me vendet e tjera të Ballkanit Perëndimor kemi ngecur në rrugën drejt BE-së”, tha presidenti i Malit të Zi.
“Në Ballkanin Perëndimor, ekziston një kopje e asaj që Rusia dëshiron të bëjë në rajonin e saj. Në Ballkan, ne tani kemi një përpjekje për të krijuar një botë serbe si një lloj zgjerimi i botës ruse në rajonin rus, dhe si përpiqen të rikthejnë ndikimin që ka pasur Bashkimi Sovjetik, po e bën tw njejtwn gjw edhe Serbia. Këto janë politika retrograde, nuk duan të sundojnë vendet e tyre, duan të qeverisin kombet” theksoi Gjukanoviq.
Ai shton se është skeptik se do të përmbushen afatet e shkurtra të përcaktuara me ambiciozitet për nënshkrimin e marrëveshjes ndërmjet Serbisë dhe Kosovës.
“Serbia nuk e pranon që Kosova është e pavarur, po përpiqet në çdo mënyrë që t’i kthejë gjërat në fillim dhe të tregojë e dëshmojë se Kosova duhet të jetë në Serbi, është një politikë revizionizmi dhe është si politika e Putinit për të rikthyer Bashkimin Sovjetik. Fatkeqësisht Serbia e humbi Kosovën”, thotë Gjukanoviq, shkruan Vijesti.
Ai po ashtu thotë se i duket se negociatorët perëndimorë duan ta qetësojnë Serbinë për të qenë konstruktiv në bisedimet me Kosovën dhe për t’i dhënë shumë favore Serbisë./Gazeta Papirus/
