Milo Dukanoviq iu drejtua stafit të tij pas disfatës së rëndë nga Jakov Milatoviq.
“Mali i Zi zgjodhi. Unë nuk jam zgjedhja e tij. Unë e respektoj zgjedhjet. Dua që presidenti të jetë i suksesshëm sepse edhe Mali i Zi do të jetë i suksesshëm. Dua të falënderoj të gjithë ata që më besuan. Gjithë këto 30 vjet. Dikur ato vota mjaftuan për shumicën , në këtë moment, për fat të keq, nuk janë.
Jam krenar për mbështetjen e madhe që kam marrë në zonat ku shumica janë popuj pakicë. Dua të falënderoj veçanërisht njerëzit që erdhën në Mal të Zi për të votuar edhe pse jetojnë diku më larg.
Mendoj se tani është shumë e rëndësishme që Mali i Zi të mbajë zgjedhjet e ardhshme, ato të planifikuara për në qershor, zgjedhjet parlamentare.
Ndonjëherë fiton zgjedhje, herë humb. Mendoj se kemi treguar përgjegjësi absolute ndaj popullit të Malit të Zi. Për sa më përket mua, Mali i Zi civil, multietnik, demokratik mbetet dashuria ime dhe asaj që do t’i përkushtohem gjatë gjithë jetës sime.
Do të mundohem ta bëj punën time në mënyrën më të mirë deri në fund të mandatit. E pranoj këtë gjykim të publikut demokratik të Malit të Zi dhe i uroj Malit të Zi çdo të mirë dhe që presidenti i ri të kontribuojë në prosperitetin e mëtejshëm ekonomik dhe demokratik të vendit tonë”, tha Gjukanoviq.
Jakov Milatoviq fitoi zgjedhjet presidenciale në Mal të Zi, duke fituar rreth 60 për qind të votave, ndërsa kundërshtari i tij dhe ish-presidenti Milo Gjukanoviq fitoi rreth 40 për qind, njoftoi Qendra për Monitorim dhe Hulumtim (CEMI).
