Zëvendësministri i Drejtësisë, Blerim Sallahu, tha sot se përgjimet janë të porositura nga PDK-ja.
Lidhur me këtë deklaratë ka reaguar zyrtari i kësaj partie, Betim Gjoshi, shkruan Gazeta Papirus.
Përmes një postimi në faqen e tij zyrtare në Facebook,ai shkruan se është është lajm i rëndë për Kosovën kur e sheh se një zëvendësministër i Drejtësisë mbron koordinimin e Mimoza Kusarit me një kriminel nga Lista e Zezë e SHBA-ve.
Postimi i plotë:
Me shpejtësi të frikshme janë aktivizuar në Vetëvendosje për të mbrojtur koordinimin e Albin Kurtit me kriminelët serb që udhëheqin Listen Serbe dhe që janë në Listën e Zezë të SHBA-ve.
Ky koordinim, në fund të fundit, nuk është koordinim veç me Listen Serbe, por edhe me Beogradin dhe Aleksandër Vuçiqin.
Është lajm i rëndë për Kosovën kur e sheh se një ZV/Ministër i Drejtësisë e mbron koordinimin e Mimoza Kusarit me një kriminel nga Lista e Zezë e SHBA-ve dhe nga Lista për Arrest e Prokurorisë së Kosovës.
Sigurisht se një njeri si Sallahu e mbron këtë koordinim me kriminelët si Radojçiqi, sepse ai e sheh Kosovën si një fajde.
/Gazeta Papirus/
