Fiorentina dhe West Ham do të luajnë sonte (e mërkurë) në finale të Ligës së Konferencës në Eden Arena në Çeki, pritet të jetë një ndeshje interesante për të dyja skuadrat.
Fiorentina dhe West Ham po kërkojnë që ta fitojnë trofeun e parë europian në shekullin 21 dhe asnjëherë nuk kanë qenë kurrë më afër.
Fiorentina ka qenë në një formë të mirë javëve të fundit, duke humbur vetëm njëherë në gjashtë ndeshjet e tyre të fundit në të gjitha garat dhe ata besojnë se do ia dalin të fitojnë në finale. Skuadra italiane mposhti në dy ndeshje gjysmëfinale Baselin për ta siguruar finalen e tyre të parë në këtë garë.
West Ham ka pasur një sezon me luhatje, por ata kanë treguar se janë në gjendje ta mposhtin çdo skuadër kur janë në ditën e tyre të mirë. Ata mposhtën AZ në gjysmëfinale për të arritur finalen kundër Fiorentinës. Çekanët e kanë përfunduar sezonin në vendin e 14 në Premier Ligë derisa ata janë të përkushtuar që ta fitojnë trofeun e parë në Europë pas 50 viteve.
Në mënyrë që lojtarët e tij kryesor të pushojnë mjaftueshëm për finale, trajneri i Fiorentinës, Vincenzo Italiano bëri disa ndryshime në vikend në ndeshjen e fundit të Fiorentinës në Serie A. Me shumicën e lojtarëve të gatshme ai ka startuar me formacionin më të mirë të mundshëm.
Italiano ka startuar me Terracciano në portë derisa para tij janë katërshja mbrojtëse: Dodo, Quarta, Milenkovic dhe Biraghi. Në mesfushë ka startuar: Bonaventura, Amrabat dhe Mandragora kurse sulmit i prinë Gonzalez, Jovic dhe Kouame derisa skuadra është renditur në formacionin 4-3-3.
Për West Hamin me gjasë kjo do të jetë ndeshja e fundit e kapitenit të tyre Declan Rice pasi që këtë verë ai pritet ta vazhdojë udhëtimin e tij të ri me ndonjë skuadër tjetër.
Alphonse Areola, i cili ka qenë portieri i ndeshjeve në kupa ka startuar sonte para Lukasz Fabianski, i cili ishte titullar në Premier Ligë. West Ham edhe këtë ndeshje do të jetë pa të lënduarin Gianluca Scamacca, i cili ju nënshtrua një operimi në gju.
Kështu po Areolës në portë, në mbrojtje për West Ham ka startuar katërshja Emerson, Aguerd, Zouma dhe Coufal.
Mesfusha përbëhet nga Lucas Paqueta, Rice dhe Souçek. Benrahma, Antonio dhe Boëen janë në sulmin e West Hamit kurse skuadra po ashtu është në 4-3-3 nga trajneri David Moyes.
