Edhe shteti gjerman ka dalur pro anëtarësimit të Kosovës në Këshillin e Europës, tentativë kjo e nisur pak ditë më parë nga diplomacia kosovare, shkruan Gazeta Metro.
Në një rikapitullim të vizitës së saj në Ballkanin Perëndimor, kryediplomatja gjermanë, Annalena Baerbock, ka folur edhe për dëshirën e Kosovës për të qenë pjesë e këtij organi.
“Vizita ime e fundit në vendet e Ballkanit Perëndimor më bëri të qartë se sa vendimtare është intensifikimi i bashkëpunimit tonë me këto shtete në këtë moment vendimtar”, tha Baerbock përmes Zyrës së Jashtme të Gjermanisë.
Kjo është arsyeja pse ne mbështesim dëshirën e Kosovës për t’iu bashkuar familjes së shteteve anëtare të Këshillit të Europës”, përfundon komunikimi zyrtar nga Zyra e Jashtme Gjermane.
Përndryshe, gjatë seancës së sotme të Këshillit të Europës, ku drejtimin e këshilli e mori Irlanda, nuk u diskutua fare kërkesa e Kosovës për anëtarësim.
