Bomba që peshojnë rreth 50 kilogramë, janë gjetur në rrugën magjistrale Prishtinë-Podujevë, saktësisht në fshatin Shakovicë.
Forca e Sigurisë së Kosovës njofton se bombat SC-50 gjermane i përkasin Luftës së Dytë Botërore, raporton Paparaci.
“Në një operacion të përbashkët ekipet e deminimit të Gardês Kombëtare të Forcês së Sigurisë së Kosovës dhe të ekipit të EOD-së, nga kampi Bondsteel i ushtrisë amerikane kanë larguar tri bomba SC-50 Gjermane të luftës së dytë botërore”.
Tutje theksohet se bombat tashmë janë bartur në një vend të sigurt dhe do të demolohen sipas planifikimeve të ekipeve të deminimit.
“Bombat jan gjetur gjatë punimeve në rrugën magjistrale Prishtinë-Podujevë në fshatin Shakovicë, ato janë bartur në vend të sigurt dhe do të demolohen sipas planifikimeve të ekipeve të deminimit”.
