Kryetari i Partisë Fjala, Gëzim Kelmendi ka reaguar lidhur me sulmin ndaj gazetarit dhe analistit, Valon Syla, ku ka kërkuar dënimin e vet Sylës dhe të autorëve të sulmit, përcjell Gazeta Papirus.
Kelmendi tha se fillimisht e kishte dënuar sulmin ndaj Sylës, por kur kishte dëgjuar deklaratën e këtij të fundit për fenë dhe ‘talljet siçi quan ai, që Syla kishte bërë me Zotin nuk ishte përmbajtur dhe kishte kërkuar edhe dënimin e tij.
Ai theksoi se Syla po mbjell urrejtje ndërfetare në popullin e Kosovës, diçka për të cilën shqiptarët njihen se nuk e praktikojnë.
Postimi i plotë i tij pa ndërhyrje:
“Dënim për Valon Sylën dhe për sulmuesit e Valon Sylës!
Me të kuptuar se sonte ishte sulmuar fizikisht gazetari dhe analisti Valon Syla, unë nuk hezitova aspak dhe menjëherë e dënova dhunën dhe kërkova që autorët të dënohen.
Por, sapo lexova postimin e Valonit ku ai ishte tallur me Pejgamberin tonë të dashur Muhamedin a.s.s dhe Pejgamberin tjetër tonë të dashur Isën a.s.s.
Bile tallja tij kishte shkuar edhe më larg dhe më keq, ZOTIT i kishe përshkruar grua- Marien dhe për djalë- Isën a.s.s.
Kështu që unë kërkoj që të dyja palët ta marrin dënimin e merituar në bazë të ligjeve dhe Kodit Penal të Republikës së Kosovës.
1.Valon Syla të dënohet për nxitje të urrejtjes ndër fetare.
- Autorët e sulmit fizik mbi Valon Sylën ta marrin dënimin e merituar.
Shoqëria jonë kultivon një kulturë dhe bashkëjetesë të mirëfilltë ndërfetare shumëshekullore dhe këtë duhet ta ruajmë edhe në ardhmen.
Gëzim Kelmendi”/Gazeta Papirus/
