Asociacioni i Gazetarëve të Kosovës, ka reaguar pas sulmit që u është bërë gazetarëve sot në veri të Kosovës, duke thënë se, AGK ka kontaktuar me Policinë e Kosovës që t’u sigurojë gazetarëve një perimetër të sigurt të raportimit.
Po ashtu, AGK’ja u ka bërë thirrje gazetarëve që të respektojnë udhëzimet e dhëna nga PK’ja dhe të kenë kujdes gjatë raportimit.
Sulmohen gazetarët me gjësende të forta në Leposaviq
Gazetarët e medieve të ndryshme janë sulmuar para pak çastesh nga protestuesit serbë në Komunën e Leposaviqit.
Në një transmetim direkt të medieve, shihen disa gra duke tentuar t’i pengojnë gazetaret e RTV Dukagjinit, KOHËS dhe medieve të tjera të raportonin live nga kjo komunë.
Asociacioni i Gazetarëve të Kosovës ka kontaktuar menjëherë Policinë e Kosovës, që t’u sigurojë një perimetër të sigurt të raportimit kolegëve tanë.
AGK-ja, ju bën thirrje të gjithë kolegëve që të respektojnë udhëzimet e dhëna nga zyrtarët e Policisë së Kosovës që janë prezent atje, dhe të kenë kujdes të shtuar gjatë raportimit.
