Rreth 40 marinarë janë vrarë, disa janë zhdukur e shumë të tjerë janë plagosur në momentin kur është fundosur anija luftarake ruse “Moskva’, shkruan gazeta e pavarur ruse Novaya Gazeta Europe, duke cituat nënën e një marinari që besohet se ishte në bord.
Ajo tha se djali i saj i tha asaj në telefon se anija “Moskva” ishte goditur nga tri raketa tokësore, nga territori ukrainas.
Ai më thirri dhe po qante për shkak të asaj që kishte parë. Ishte e frikshme”, tha ajo, duke shtuar se ajo vetë ishte e tmerruar se duhej të priste që ai të përfundonte shërbimin, shkruan BBC, transmeton Klankosova.tv.
Tutje, ajo thotë se djali nuk donte t’i jepte asaj detaje për gjendjen në anije, sepse sipas saj, ishte e tmerrshme, duke shtuar se shumë nga të plagosurit kishin humbur gjymtyrët për shkak të shpërthimeve.
