Ministrja e Ekonomisë, Artane Rizvanolli ka njoftuar se furnizimi me ujë në zonat e prekura nga sulmi terrorist po i kthehet normalitetit.
Rizvanolli me anë të një postimi në rrjetin social “Facebook”, tha se ka filluar furnizimi i rregullt i qytetarëve në Skendera, derisa brenda pak orësh pritet të normalizohet furznimi për qytetarët e Drenasit, Fushë Kosovës dhe Obiliqit.
“Furnizimi me ujë për zonat e prekura nga sulmi terrorist në kanal të Ilbër Lepencit po kthehet në normalitet!
Mbrëmë në orët e vona ka filluar furnizimi me ujë në komunat e Mitrovicës së Jugut, Mitrovicës së Veriut dhe Zveçanit.
Sot, uji tashmë është lëshuar për në fabrikat e ujit të Drenasit dhe Shkabajt për trajtim dhe ka filluar furnizimi i rregullt i qytetarëve në Skenderaj. Brenda pak orësh pritet të normalizohet furznimi për qytetarët e Drenasit, Fushë Kosovës dhe Obiliqit”, thuhet në postimin e Rizvanollit.
