Paraditen e kësaj të mërkure, Federata Shqiptare e Futbollit do të hedhë shortin e Abissnet Superiores dhe Kategorisë së Parë, për sezonin 2023-2024, teksa tashmë janë zbuluar dhe datat e fazës së parë të kampionatit.
Kështu, që në javën e parë të Superiores këtë sezon do të kemi një derbi të kryeqytetit, në “përplasjen”, Dinamo-Tirana, si dhe një “derbi të Veriu”, me Vllazninë që do të presë në “Loro Boriçi”, “verilindorët” e Kukësit.
Kategoria Superiore do të nisë në datën 19 gusht teksa Kategoria e Parë do të fillojë në datën 2 shtator, ku në elitën e futbollit shqiptar bëjnë pjesë ekipe si Tirana, Laçi, Partizani, Kukësi, Vllaznia, Teuta, Skëndërbeu, Egnatia, Dinamo e Erzeni, ndërsa në Kategorinë e Parë do të luajnë këtë sezon, Elbasani, Flamurtari, Besa, Lushnja, Bylis, Kastrioti, Tomori, Korabi, Apolonia, Luz 2008, Burreli dhe Vora janë ekipet e Kategorisë së Parë.
Ndërkaq, kujtojmë se pas fazës së parë, në fazat 2, 3, 4 ndeshjet do të luhen në të njëjtën radhë me ato të 9 javëve të para, me ndryshimin e vetëm, që do të jetë ekipi pritës dhe ai mik.
