Prof.dr Sabahajdin Cena , pjesa II
FORTESA E ANADRINIT
“ËSHTË GJAKU YNË QË NUK FALET” II
(Në prag të shënimit të ditës kur ra heroi
Skënder Rexhepi me bashkëluftëtarin
Fitim Duraku dhe u plagosën bashkëluf-
tëtarët: Xhavit Elshani dhe Mustafë
Bajraktari)
Rëndësia e organizimit në Fortesë
Prerja e segmentit të rajonales Malishevë-Xërxë, për luftimet në Rahovec, kishte një rëndësi të shumëfishtë sa në rrafshin e logjistikës aq edhe në rrafshin defansiv; ua pamundësonte forcave serboçetnike hyrjen e shpejtë në Rahovec, mundësonte furnizimin emergjernt të banorëve të Rahovecit, mundësonte largimin e tyre dhe braktisjen më të sigurt të Rahovecit dhe mbronte korridorin e logjistikës prej Vlahne e Cahani nëpër Rogovë e Celinë
kah Zatriqi e së andejmi në drejtim të Malishevës dhe Zonës Operative të Drenicës.
Këtë prerje nuk mund ta bënte askush më mirë se formacioni nismëtar i Fortesës, fshat i njohur për veprimtarinë patriotike gjatë ilegales prej vitit 1945 e deri më 1998 në Anadrini. i organizuar mirë në të gjitha aksionet, i përgatitur për rezistencë të armatosur e i sistemuar me kohë në radhët e Ushtrisë Çlirimtare të Kosovës që prej ditës kur u dëgjuan krismat e Komandant Adem Jasharit dhe të Prekazit e ditës kur “Në Glloxhan u dha kushtrimi” më 24 mars të vitit 1998.
Një strukturë e këtillë e instrumentit të forcës evoluoi nga ilegalja e Fortesës në krye të së cilës qëndronin: Bagzadi, Durmishi, Fadili e Mustafë Gashi të Fortesës, Shefqet,e Skënder Gashi të Sapnikut, Arben Fetoshi, Samedin, Abdurrahim, Hajrullah, Halim e Agim Kelmendi, Ilir, Agim, Selami, Bajram e Afrim Popaj ,Fatmir e Sabit kadiri e shumë të tjerë e që si strukturë e përgatitur ishte e organizuar në ilegalen e Anadrinit veçanërisht nëpër çelulat e Qëndresës, Krushës së Madhe, Krushës së Vogël, Drinasit, Nagacit, Celinës, Xërxës, Brestosit, Retisë, Apterushës, Zaçishtit e Hoçës së Vogël e që kishte kultuar më 27 janar të vitit 1990 kur në “Lakun e Dëshmorëve”, në Brestos, drejtuar nga Promëtheu i shtetësisë së Kosovës, profesor Ukshin Hoti, e pranë tij edhe djelmoshat e Fortesës, të prirë prej Gashjanëve, Kelmendasve, Zhuniqëve, Popajve, Kadirëve e Berishëve, një pjesë e të cilëve sot janë dëshmorë e heronj. Në këto luftime që u zhvilluan në qendër të fshatit u përjetësuan dëshmorët: Agim Kelmendi, Gani Paçarizi, e Tafil Zyberaj, ndërsa plagosen shumë të tjerë e në mesin e tyre edhe profesor Halim Kelmendi që ishte jo larg të vëllajt, pra jo larg Agimit.
Vazhdon: Prita në Ballabreg;
Skënder Murat Rexhepi,
Jeta dhe veprimtaria patriotike
LAVDI DËSHMORËVE TË FORTESËS!
LAVDI TË GJITHË DËSHMORËVE!
