Prof.dr. Sabahajdin Cena
FORTESA E ANADRINIT
“ËSHTË GJAKU YNË QË NUK FALET”
(Në prag të shënimit të ditës kur
ra heroi Skënder Rexhepi me
bashkëluftëtarin Fitim Duraku,
me ç’rast plagoset edhe luftëtari
Xhavit Elshani dhe Mustafë Bajraktari)
I. Fillet e rezistencës në Fortesën e Anadrinit
Me zbritjen e formacionit luftarak të Rahovecit, prej pjesës veriore të Anadrinit, pra prej Kërshit të Keq ,ku ishte vendosur shtabi i Batalionit të Rahovecit, në drejtim të Lugut të Gjeraqinës,e të Rrasave të Rahovecit. Ushtria Çlirimtare e Kosovës, në bashkëveprim me formacionet e Anadrinit në fshatrat: Drenoc, Drinas, Fortesë,
Krushë e Madhe, Brestos, Hoçë e Vogël, Nagac e Reti, shënonte një avantazh në krahasim me situatën në terren.
Formacioni luftarak i Rahovecit, faktikisht më 17 korrik të vitit 1998 merr nën kontroll edhe segmentin e rrugës rajonale Malishevë-Xërxë e veçanërisht pjesën prej Rrasave të Rahovecit në drejtim të Ujësjellësit, te Ura e Aliagës kah Bërnjaka e deri te Livadhet e Ferizit, pra deri në hyrje të fshatit Fortesë në zemër të Anadrinit ku veç funksiononte një formacion luftarak i armatosur dhei përgatitur për aksione guerrile e luftë frontale.
Një ndërmarrje e këtillë ishte shumë të rëndësishme për ta mbrojtur korridorin e logjistikës prej Vlahne nëpër Qafë-Mullar, Kushnin, Romajëe Rogovë e së andejmi kah Celina, Fortesa, Sapniku, Burimi i Poshtëm, Burimi i Epërm,Nushpali, Drenoci e Zatriqi deri në Malishevë, me dy arterje, njëra në drejtim të Drinasit (ish-Ratkocit) për dalje në Zonën Operative të Rrafshit të Dukagjinit e tjetra në drejtim të Retisë, kah Pagarusha, Gurishta, Gajraku
e Malisheva në drejtim të Drenicës e të zonave të tjera të Ushtrisë Çlirimtare të Kosovës madje deri në Bjeshkët e Budakovës. Kjo shtrirje e rrufeshme e formacioneve të Ushtrisë Çlirimtare të Kosovës ndikoi që luftëtarët e formacioneve nismëtare tëfshatrave: Krushë e Madhe, Nagac, Hoçë e Vogël, Brestos, Celinë . Sapnik, Burim i Poshtëm, Burim i Epërm. Nushpal, Malësi e Vogël e Drinas, ditën kritike kurt Ushtria Çlirimtare e Kosovës e mori Rahovecin, të përqëndrohen në fshatin Fortesë e ta zënë Kthesën rrëzë Mellave e Kodrës, sot Koddra e Trimave e buzë lumit tën Bardhasë më 18 korrik të vitit 1998.
– v a z h d o n deri më 22 janar
të këtij viti –
LAVDI DËSHMORËVE TË FORTESËS!
LAVDI TPË GJITHË DËSHMORËVE
