Dy ndeshjet e fundit të 1/8 së finales zhvillohen sot. Real Madridi e pret në Santiago Bernabeu Liverpoolin në ndeshjen e kthimit por që rezultati nga ndeshja e parë nuk jep shumë shpresa për anglezët, pasi mbretërit kanë fituar me rezultat 5:2, teksa edhe Napoli ka fituar 2:0 ndaj Frankfurtit në ndeshjen e parë dhe është vendas sot në ndeshjen e kthimit.
Liverpooli nuk ka kaluar një sezon të mirë as në ligën angleze, ku janë në kërkim që të paktën të futën në top katërshe për të siguruar pjesëmarrjen në vitin e ardhshëm në Ligën e Kampionëve, teksa edhe Real Madridi nuk po kalon sezonin më të mirë të mundshëm në La Liga, pasi gjendet në pozitën e dytë me nëntë pikë më pak se lideri, Barcelona.
Napoli në anën tjetër po kalon një nga sezonet më të mira në histori të këtij klubi, pasi tashmë kanë krijuar një distancë të madhe me të gjithë rivalët në Serie A dhe me shumë gjasë do ta fitojnë titullin e parë pas më shumë se 30 vitesh, ndërsa edhe rrugëtimi në Ligën e Kampionëve ka qenë shumë i mirë deri më tani.
Formacionet zyrtare për ndeshjen Real Madrid – Liverpool
Si Carlo Ancelotti ashtu edhe Jurgen Klopp kanë vendosur për 11-shen e tyre startuese për këtë ndeshje.
Real Madrid: Courtois; Carvajal, Militao, Rudiger, Nacho; Kroos, Camavinga, Modric; Valverde, Benzema dhe Vinicius Junior;
Liverpool: Alisson, Arnold, Konate, Van Dijk, Robertson; Diogo Jota, Fabinho, Milner; Salah, Nunez dhe Gakpo.
Formacionet zyrtare për ndeshjen Napoli – Frankfurt:
Napoli: Meret; Kim, Mario Rui, Rrahmani, Di Lorenzo; Zielinski, Politano, Anguissa, Lobotka; Kvaratskhelia dhe Osimhen;
Frankfurt: Trapp, N’Dicka, Sow, Kamada, Rode, Borre, Buta, Lenz, Gotze, Tuta dhe Knauff.
