Komuna e Pejës, qysh se nga mbrëmë po kalon një gjendje jo edhe të zakonshme e gjitha si shkak i motit të lig, reshjeve të shumta të shiut të cilat kanë shkaktuar edhe vërshime.
Si pasojë e vërshimeve, dy persona kanë humbur jetën, ndërsa dy të tjerë po trajtohen në Spitalin Rajonal në Pejë, shkruan Gazeta Papirus.
Redaksia ka kontaktuar me Spitalin e Pejës, me ç’rast është konfirmuar se gjendja e dy të lënduarve është jashtë rrezikut për jetë dhe po vazhdojnë të trajtohen nga mjekët atje.
Gazeta Papirus do t’iu mbajë të informuar për detaje të reja lidhur me rastin.
/Gazeta Papirus/
