Temperaturat e ulëta dhe moti me shi qysh se nga fillimi i muajit qershor ka qenë një nga temat kyçe pothuajse nga të gjithë, madje edhe nga qytetari më i thjesht. Kjo për faktin se, llogaritur vitin e kaluar në këtë kohë temperaturat veçse kishin shënuar rritje dhe koha ishte tejet e nxehtë. Madje, shumë nga qytetarët në vendin tonë e kishin shfrytëzuar kohën për pushime në bregdetin shqiptar.
E një gjë e tillë më sa duket ka munguar këtë vit. E gjitha kjo shkak i kohës me shi dhe temperaturave të ulëta, shkruan Gazeta Papirus. Sidoqoftë, nga sot temperaturat në vendin tonë do të shënojnë rritje sipas meteorologut Besim Aliu.
Gazeta Papirus ka kontaktuar me meteorologun i cili tha në një prononcim se ditën e sotme (e diele) do të kemi mot më ndryshe. Këto ndryshime janë pozitive të cilat nisin nga kthjellimet, dielli dhe rritja e temperaturave.
“Nga sot do të kemi një mot ndryshe, kthjellime, diell dhe rritje të temperaturave.Gjatë orëve të hershme parashihet të shfaqet mjegulla si rezultatat i proceseve fizike që do të ndodhin në troposferë , gjendjes termike dhe asaj barike”, tha meteorologu./GazetaPapirus/
