Mjeku i Spitalit të Përgjithshëm të Pejës, Besnik Ibraj dyshohet se të hënën ka sulmuar fizikisht një punëtor të spitalit, raporton Gazeta Sinjali.
Sinjali ka kontaktuar me ushtruesin e detyrës së Drejtorit Mjekësor, Besnik Ibraj në lidhje me rastin. Ai tha se për rastin në fjalë nuk ka njohuri dhe se po njoftohet nga Sinjali.
Në anën tjetër, zëdhënësi i Policisë për Rajonin e Pejës, Fadil Gashi ka deklaruar se rasti është hapur si “lëndim i lehtë trupor”.
“Dje rreth orës 13:44 një punëtor i Spitalit Rajonal ka ardhur dhe e ka njoftuar policinë se është sulmuar nga një mjek në Spitalin Rajonal në Pejë. Policia menjëherë ka dal në vendin e ngjarjes, i ka intervistu viktimën, dëshmitarët dhe të dyshuarin. Lidhur me rastin është njoftuar prokurori i cili ka udhëzuar që të iniciohet rasti “lëndim i lehtë trupor”. Rasti është duke u hetuar nga njësiti kompetent policor”, u shpreh Gashi.
Gashi shtoi se motivi që çoi deri te sulmi fizik ishte “rreth një mosmarrëveshjeje, për orar të punës”.
Sipas tij, viktima ka pranuar trajtim mjekësor.
