Liverpooli shënoi dy gola në fundin e ndeshjes për ta fituar duelin në udhëtim te Wolverhamptoni.
Ndeshjen e xhiros së pestë të Premier Leagues angleze, Liverpooli të shtunën e fitoi me rezultatin 3:1, me rikthim të rezultatit.
Hee-Chan Hwang i dha epërsinë vendësve në minutën e shtatë. Rikthimi i Liverpoolit nisi nga minuta e 55-të, kur Cody Gakpo shënoi për barazimin e rezultatit. Andy Robertson realizoi për 2:1 pesë minuta para fundit. Edhe Robertson realizoi me asistim të sulmuesit Mohamed Salah. Për mbrojtësin e krahut të majtë, Robertson, ishte paraqitja e 200-të në Premier League.
Ndërkohë, autogoli i Hugo Buenos në minutën e parë të shtesës, e vulosi rezultatin përfundimtar të takimit.
Liverpooli ka 13 pikë pas pesë ndeshjeve. Wolvesi mbetet me tri pikë në pesë ndeshje të zhvilluara.
