Paris Saint-Germain merr fitore minimale në transfertën e Brest, me rezultatin 1-2 që u vulos në “frymën” e fundit nga Kylian Mbappe.
Ky takim ishte shumë i vakët dhe duhet theksuar shumë i vështirë për ekipin e Galtier.
Pjesa e parë u dominua nga parisienët, megjithatë deri në minutën e 37’ ndeshja vazhdoi me barazim pa gola. Ishte pikërisht minuta e e 37’, kur Soler e dërgoi topin në rrjetë dhe u dha avantazhin miqve.
Avantazh, i cili zgjati deri në minutën e 43’, moment në të cilin Honorat u dhuroi barazimin vendasve.
Fraksioni i dytë nga ana tjetër ishte më i balancuar, por në fund në minutën e 90+1’ PSG gjeti golin e fitores me Mbappe.
Pas raundit të 27 të Ligue 1, PSG kryeson me 66 pikë, teksa Brest renditet në vend të 15-të në kuotën e 23 pikëve.
