Me fillim nga ora 13:00 do të zhvillohen tre ndeshjet e para të stinori të ri pranveror, skuadra e Ballkanit e cila është pretendente për titull është nikoqir i Dukagjinit. Në sezonin vjeshtor suharekasit në dy ndeshjet e zhvilluara nuk arritën më shumë se një barazim me skuadrën e cila është duke luftuar për mbijetesë.
Drita në Gjilan pret vendin e fundit në tabelë, KF Feronikelin. Gjilanasit në shtëpi kanë një ecuri shumë pozitive kundër Feronikelit pasi në tetë ndeshjet e fundit nuk dinë për humbje, ku kanë realizuar 6 fitore dhe vetëm 2 barazime.
Sfida më interesante e ditës së sotme zhvillohet në Skenderaj, ku ekipi i Drenicës pret vendin e parë në renditje, KF Gjilanin.
Gjilani i vendit të parë në Skenderaj nga 10 ndeshjet e fundit ka arritur vetëm 2 fitore ku 7 prej tyre kanë mbaruar me barazim dhe vetëm 1 fitore i takon Drenicës.
Vlen të theksohet fakti se dje klubi i Drenicës në faqen zyrtare në Facebook ka reaguar pasi që në momentet e fundit janë ndryshuar gjyqtari kryesor i ndeshjes dhe asistenti i tij i dytë, ata përmendën që nuk ishin të paralajmëruar nga Komisioni i Delegimit të gjyqtarëve.
Më poshtë gjeni edhe reagimin e plotë të klubit të Drenicës:
