Fero ditëve të fundit ka qenë temë e diskutimit pas tensioneve me Unikkatilin.
Pavarësisht tensioneve, ai në një intervistë të fundit për “Barber Shok”, ka pranuar se gëzon respekt për gjithë ata që e dëgjojnë muzikën e reperëve që ai i quan kundërshtarë të tij në hip-hop, shkruan lajmi.net.
Reperi, këtë vit hapi një lokal në qytetin e tij të lindjes në Gjilan.
Ai pohoi se DJ që ishte punësuar në lokalin e tij, e kishte pyetur se a mund të lëshonte muzikë të reperëve të tjerë për të cilën ai ia kishte dhënë lejen duke i thënë ‘Po’.
“Kur erdh natën e parë në lokal, ky [DJ] më ka pyetur: ‘Fero a mund ta lëshoj MC Kreshën?’ – I kam thënë: Po more lëshoje. A mundem me ta lëshoj Noizyn?’ – Po more lëshoje. ‘A mundem ta lëshoj Unikkatilin?’ – I kam thënë po more lëshoje. Krejt lëshoji, përderisa ka njerëz që i dëgjojnë, unë nuk kam diçka kundër”, ka thënë Fero në “Barber Shok”.
I njëjti pohoi gjatë intervistës se angazhimi i tij në jetën private si prind i përkushtuar ndaj vajzës, e la pak më anash në aspektin profesional të punimit të këngëve të reja.
Megjithatë, ai lajmëroi se nga tani e tutje do të jetë mjaft aktiv për fansat e tij, aq më tepër që tashmë është rikthyer te bashkëpunëtorët e tij të vjetër, Zzap dhe Chriss, në studion ON Records,shkruan lajmi.net
