Fëmijët që flenë vonë, mund të jenë më të rrezikuar që të jenë mbipeshë, sugjeron një studim.
Studiuesit shikuan 10,245 fëmijë të moshës 9 deri në 12 vjeç në Finlandë , të cilët u pyetën se në çfarë ore shkonin në shtrat.
Rezultatet tregojnë se fëmija mesatar që shkon në shtrat dy orë më vonë në fundjavë kishte një perimetër të belit rreth 2.4 centimetra më të madh.
Një fëmijë mesatar, koha e gjumit të të cilit ishte dy orë më vonë, do të kishte një indeks të masës trupore, 0.32 më i lartë se fëmijët me orar të vazhdueshëm të gjumit, sugjerojnë rezultatet.
“Këto rezultate sugjerojnë se fëmijët mund të shtojnë më shumë peshë nëse orari i tyre i gjumit lëviz shumë”.
Autorët e studimit përfundojnë: ‘Promovimi i orareve të hershme të gjumit, veçanërisht në fundjavë, duhet të merret parasysh në parandalimin e obezitetit tek fëmijët e moshës shkollore.’
Orari i qëndrueshëm i gjumit ndërmjet ditëve jashtë shkollës dhe ditëve shkollore mund të arrihet në dy mënyra: ose duke lejuar oraret e mëvonshme të fillimit të shkollës ose duke ndjekur orarin më të hershëm të gjumit në ditët jashtë shkollës.
“Nga këto e para duket më e realizueshme për adoleshentët dhe familjet e tyre.”
Studimi zbuloi se fëmijët që kalonin më shumë kohë para televizorit dhe ekraneve të kompjuterit, e vononin më shumë kohën e gjumit në fundjavë. /Shqip.com
