Vlora Çitaku, nënkryetare e Partisë Demokratike të Kosovës (PDK), ka reaguar për mospjesëmarrjen e kryeministrit Albin Kurti në takimin joformal me liderët e Ballkanit Perëndimor në Tiranë, shkruan Gazeta Metro.
Lidhur me këtë, Çitaku tha se Kurti po sillet në mënyrë të papërgjegjshme në raport me Ramën, kjo për shkak se kryeministri është dashur të jetë pjesë e këtij takimi të rëndësishëm.
Ajo ka shtuar edhe se Kurtit ka mosdurim dhe qasje idhnake karrshi Ramës, gjë e cila po e dëmton marrëdhënien tonë.
Postimi i plotë:
Fëmijërore dhe politikisht e papërgjeshme sjellja e Kryeministrit Kurti.
Si qenka më me rëndësi një konferencë në ishujt e bukur të Greqisë sesa takimi me liderët e rajonit dhe Komisionin Evropian në Tiranë?!
Kryeministër, Edi Rama nuk të ka ftuar në darsëm familjare, por në takim me liderët e rajonit, në kuadër të procesit të Berlinit. Në takime të tilla mospjesëmarrja juaj nuk është më refuzim personal i juaji karrshi Ramës. Nuk ka asgjë personale këtu.
Mosdurimi dhe qasja e juaj idhnake karrshi Kryeministrit shqiptar po e dëmton Kosovën.
