Bedri Islami i cili kishte udhëhequr Lëvizjen Popullore të Kosovës gjatë luftës së Kosovës, kishte treguar ekskluzivisht për një ngjarje interesante që i kishte ndodhur atij dhe Heroit Fehmi Lladrovci, por që sipas tij aty shihej edhe roli destruktiv i LDK-së.
“Në një takim në Mynih do të flisnim me bashkëatdhetarët, do e moderoja unë dhe Fehmi Lladrovci. Unë do flisja më përpara, isha i përgaditur me shkrim sepse ishin tubime të rëndësishme të zhvillimit, pastaj do të fliste Fehmiu. E kam thënë edhe në librin tim, sa hym në sallë, më thotë një Afrim Emini, ishte në atë kohë njëri nga veprimtarët kryesor të zonës së Mynihut, është dhëndrri i Afrim Zhitisë, thotë që janë dy nëpunës të shtetit gjerman, normalisht të shërbimeve të fshehta që dëshirojnë të flasin me bashkëbiseduesit. Unë u takova me ta, dhe më thanë që në këtë tubim nuk do të flitet asnjë fjalë për UÇK-në. Kishin ardhur fjalë nga Drenica se po ndodhë diçka në Drenicë, ishte data 4 ose 5 mars. Natyrisht u thash se ne do të flasim se për këtë punë kemi ardhur, u bana i kujdesshëm pak”, shtoi Islami.
Më tutje Bedri Islami tregoi se “Pas meje e thirrën Fehmiun, unë i tregova përpara, edhe Fehmiu më tha pastaj “shiko bac, as s’po i pyet dikush këta, tym do ta bajmë. Unë fola i kujdesshëm, të jemi real, Fehmiu e bëri tym, mirëpo u tregua edhe i menqur ashtu siq ishte. Tha patriot është ai që e mbron dinjitetin e Kosovës edhe në Gjermani, që nuk prek një lule, që nuk shkatërron asgjë, që sillet dinjitetshëm, që punon me djersën e ballit, që ju thotë falemnderit Qeverisë gjermane që po na mban këtu, që e përkrahë Kosovën sepse ky është vet një popull që ka vuajt nga lufta. Pastaj mbaroi, dolëm, dhe u takuam (me gjermanët), ata thanë se dinim që do flisnit kështu, sepse kishim të dhëna krejt të tjera, na është thënë që do të dilnit në rrugë si kurdët, që do digjnit makina, do shkatërronit, do e digjnit vetën, do bënit rrëmujë, do shkatërronit, dhe ne i tham se nga i keni këto të dhëna, na thanë nga LDK-ja. Ata kishin dërguar interpretimin se ne do bëjmë hatanë atje. Pse u bë kjo, jo thjesht sepse ishim dy rryma të ndryshme, por LPK vinte nga burgjet serbe, pra pjesëtarët e saj vishin nga burgjet serbe, e LDK vinte nga Lidhja Komuniste e Jugosllavisë. Kishim dy mentalitete të ndryshme për të ardhmën e Kosovës. Në LDK ka mijëra njerëz të ndershëm, por rrënja, themeli e statuti ishte Lidhja Komuniste e Jugosllavisë”.
