Nga Oda e Farmacistëve po kërkojnë që farmacistët të vaksinohen sa më pare.
Janë ndër të paktat veprimtari të cilat kanë punuar edhe gjatë mbylljes totale si masë parandaluese për Covid-19.
Të gjitha barnatoret kanë qenë dhe vazhdojnë të mbeten të hapura në shërbim të qytetarëve.
Mirëpo farmacistët që punojnë brenda tyre ende nuk kanë marrë vaksinën kundër virusit korona.
Duke thënë që gjithnjë janë në kontakt me pacientë të infektuar me këtë virus, ata kërkojnë që të imunizohen me vaksinë sa më parë.
Jakupi poashtu shton se të gjitha listat me emra të farmacistëve janë të gatshme e janë dërguar në Ministri të Shëndetësisë.
E imunizimi me vaksinën kundër Covid 19 është ndërprerë në Kosovë, por rastet aktive me këtë virus janë në numër të madh.
Gjatë së shtunës pozitiv me virusin korona kanë dalë 335 njerëz.
Ndërkaq 484 të tjerë janë shëruar.
E në mesin e të infektuarve 7 persona kanë ndërruar jetë.
Drejtori i SHSKUK-së, Valbon Krasniqi ka bërë thirrje që njerëzit ta marrin vaksinën dhe kështu të evitohet ky numër i lartë i infektimeve
Ndërkohë në Kosovë janë 10.878 raste aktive me Covid-19. /T7/
