Për shkak të rritjes së çmimeve të mallrave dhe shërbimeve, shumë kompani dhe restorante janë detyruar të ulin numrin e punëtorëve, e disa prej tyre edhe të ndalojnë së funksionuari.
Inflacioni ka prekur po thuajse të gjithë, ndërsa shumë punëdhënës janë duke u përballur me vështirësi. Së fundmi në Kosovë, është rritur edhe çmimi i energjisë elektrike në 15 përqind.
E, kjo ka bërë që kompania e taksive E-taxi veturat e tyre elektrike t’i kthejë në gazi.
“Sqarim publik.Të nderuar pasagjerë dhe bashkëpunëtorë, me ngritjen e çmimeve të energjisë elektrike sipas vendimit të fundit të ZRRE, kompania jonë është detyruar të ndërmerr veprime drastike në mënjanimin e situatës dhe evitimin e rritjes së çmimeve drejtë klientëve tanë. Si pasojë, jemi detyruar që flotën tonë të veturave elektrike ta kthejmë në gaz”, thuhet në njoftimin e (E-taxi) të bërë në Facebook.
Ndërkaq, edhe në Shqipëri restoranti i njohur “Mrizi i Zanave Agroturizëm”, që gjendet në Fishtë pranë Lezhës ka vendosur të mbyllet.
Pronari i këtij restoranti, Altin Prengaj ka thënë se kanë rënie të klientelës dhe për këtë arsye ai ka vendosur ta mbyllë agrotoruzimin, ndërsa ai do t’i futet politikës.
“Të dashur miq në këtë datë të veçantë kemi vendosur të bëjmë një lajmërim! Duke parë vështirësitë e shumta nga inflacioni, mungesa e stafit, rënia e klientelës ne kemi vendosur ta mbyllim agroturizmin sepse i lodhshëm dhe jo fitimprurës, dhe do ti futemi politikës! Faleminderit”, është bërë e ditur në njoftim.
Me probleme të shumta janë duke u përballur edhe kompani tjera të cilat kanë vënë në pikëpyetje se sa do të zgjat veprimtaria e tyre se funksionuari, por që deri tani nuk ka ende njoftime zyrtare.
