Misioni i BE-së për Sundim të Ligjit ka shprehur ngushëllime për vdekjen e kryetarit të Shoqatës “Zëri i Prindërve”, Bajram Qerkinit.
Nga EULEX-i thanë se do të vazhdojnë të mbështesin trashëgiminë e tij për zbardhej e fatit të personave të zhdukur me dhunë gjatë luftës.
Postimi i EULEX-it që e shpërndau edhe Zyra e BE-së:
Prehu në paqe – Baca Bajram
Jemi thellësisht të pikëlluar për ndarjen nga jeta të Drejtorit të Qendrës Burimore për Personat e Zhdukur, Bajram Qerkini.
Përmes punës së tij të palodhur, ai luftoi për të vërtetën, duke kërkuar llogari nga të gjitha institucionet dhe duke u dhënë zë familjeve të gjithë personave të zhdukur, pavarësisht nga rrethanat e zhdukjes së tyre, përkatësisë së tyre etnike, fetare apo kombëtare apo çfarëdo karakteristike tjetër.
Ne do ta mbajmë të gjallë trashëgiminë e Baca Bajramit duke e mbështetur Institutin e Mjekësisë Ligjore dhe institucionet e tjera përkatëse në përpjekjet për ta zbardhur fatin e personave të zhdukur.
