Emir Sahiti e vendosi derbin në mes Hajduk Splitit dhe Dinamo Zagrebit që u zhvillua në kuadër të javës së dhjetë.
Super dueli nisi me një ritëm të kujdesshëm, me dy skuadrat që ishin në dijeni për cilësitë e njëra-tjetrës.
Pjesa e parë përfundoi pa ndonjë aksion serioz, por që në 45 minutat e dytë ishte një pamje krejtësisht tjetër.
Në minutën e 59-të, Emir Sahiti realizoi golin vendimtar, duke ia fituar tri pikë Hajdukut, në derbin e zjarrtë.
Ky ishte goli i dytë deri më tani në këtë sezon për Sahitin, por që ka një peshë të madhe, duke ditur se u shënua në derbi.
Pas javës së dhjetë, Hajduku vazhdon të jetë lider me 21 pikë, tri më shumë se Rijeka dhe pesë më shumë se Dinamo. /Telegrafi/
