Shefja e Grupit Parlamentar të Lëvizjes Vetëvendosje, Mimoza Kusari-Lila, ka qenë një nga emrat më të komentuar sot në media.
Kjo për faktin se ështe publikuar një audioinçizim i një bisede mes saj dhe nënkryetarit të Listës Serbe, Slavko Simiq, shkruan Gazeta Papirus.
Aty Simiq i thotë Kusarit se ajo ka folur 30-40 minuta me “Milanin”, që, sipas “Nacionale” që i ka publikuar këto audio-incizime, bëhet fjalë për Milan Radojçiqin, një njëri me ndikim në Listën Serbe dhe në veri të vendit, i cili është në listë të zezë të SHBA-së.
Ndryshe, pas publikimit të këtyre përgjimeve është paralajmëruar se ka edhe të tjera, të cilat do publikohen ditëve në vijim.
Tutje, redaksia e Gazetës Papirus ka komunikuar me deputetin e Lëvizjes Vetëvendosje, Eman Rrahmani i cili ka treguar ekskluzivisht për Gazetën se a do shkarkohet Kusari-Lila.
Rrahmani u shpreh se do pritet deri në publikimin e audio-inçizimeve tjera dhe do të merret një vendim.
“Nuk kam ndonjë koment per momentin, me thanë që ka edhe përgjime tjera po presim deri të publikohen edhe ato”, tha ai.
/Gazeta Papirus/
