Gjykata Tregtare e Barcelonës ka anuluar masën paraprake me të cilën Gavi u detyrua të regjistrohej si lojtar i ekipit të parë më 31 janar.
LaLiga prezantoi në në atë kohë kundërshtinë e saj, që ka rezultuar e suksesshme, sepse tani Gjykata konsideron se letra nga klubi i Barçës kishte një defekt formal, pasi ishte jashtë afatit.
Gavi do të jetë në gjendje të mbajë numrin 6, por ai do të duhet të regjistrohet përsëri si një futbollist ndihmës dhe, për momentin, dhe në mungesë të një zgjidhjeje, mund të lirohet nga kontrata më qershor nëse Barça nuk zgjidh çëshjen e kufirit të pagave.
Një problem më shumë ky për klubin katalanas.
Barcelona mbrohet
Në deklaratën zyrtare, LaLiga “ka marrë njoftimin nga Gjykata Tregtare e Barcelonës numër 10, duke informuar për heqjen e masave paraprake të rënë dakord më 31 janar 2023 për çështjen “Gavi”, për faktin se Barcelona nuk respektoi afatet e përcaktuara për paraqitjen e ankesës.
Barça, nga ana e saj, siguron që ankesa, ndryshe nga sa thotë LaLiga, nuk ka shkuar jashtë afatit dhe se masat parandaluese nuk do të ngrihen derisa vendimi të jetë i formës së prerë, sepse ka ankimim.
