Pierre-Emerick Aubameyang do të largohet nga Chelsea për të vazhduar karrierën në Arabinë Saudite.
Sulmuesi po largohet vetëm pas një sezoni të kaluar në “Stamford Bridge”, një sezon që realisht ishte dëshpërues për të – transmeton Gazeta Express.
Aubameyang regjistroi 22 paraqitje me Chelsean, teksa kontribuoi vetëm me tre gola dhe një asistim.
Sipas “Sports Zone”, 33-vjeçari do të largohet këtë verë dhe “Blutë” duan ta shesin para 30 qershori shkaku i FFP-së.
Një marrëveshje për një para-kontratë me Fondin e Investimeve Publike (PIF) të Arabisë Saudite është afër arritjes.
Ai do të bashkohet me Al-Ahli ose Al-Shabab.
Aubameyang besohet se nuk do të ishte kundër një sezoni tjetër në Evropë, por asnjë klub evropian nuk ka shfaqur ende një interesim konkret për ish-sulmuesin e Barcelonës.
Reprezentuesi i Gabonit ka kontratë të vlefshme me Chelsean deri në verën e vitit të ardhshëm. Ai në tregun e transferimeve vlerësohet me 7 milionë euro.
⚡️FLASH ZONE ⚽️
Aubameyang et Chelsea, clap de fin.
▫️L’international Gabonais va quitter Chelsea cet été et le club aimerait le vendre avant le 30 juin pour le FPF.
▫️Un accord sur les bases d’un pré-contrat avec le PIF n’est pas loin d’être trouvé pour aller jouer à Al-Ahli… pic.twitter.com/d5j9luvRvh
— SPORTS ZONE (@SportsZone__) June 11, 2023
