Një person është arrestuar ditën e djeshme në një nga motelet në Gjilan pasi e ka rrahur ish të dashurën e vet.
Lajmin e ka konfirmuar për Front Online zëdhënësi i policisë për rajonin e Gjilan, Ismet Hashani.
Hashani deklaroi se viktima femër ka pësuar lëndime të lehta trupore.
“Ankuesja kosovare ka raportuar në stacionin policor në Gjilan se pas një mosmarrëveshje është sulmuar nga i dyshuari me të cilin kanë bashkjetuar deri sa ishin duke qëndruar në një motel në rrethinë të Gjilanit. Me këtë rast ajo ka pësuar lëndime të lehta trupore sipas raportit mjekësor. I dyshuari është arrestuar nga Policia e kosovës dhe pas procedurave ligjore me vendim të prokurorit të shtetit është ndalë në mbajtje për 48 orë nën akuzën për ” Dhunë në familje”, potencoi Hashani.
