Një punëtor i një kompanie nga Komorani ka vdekur sot, në orët e mëngjesit, në fshatin Grabanicë të Klinës, pasi është rrëzuar nga kati i tretë i një objekti ku po punonte, shkruan Gazeta Sinjali.
Burimet e Sinjalit kanë bërë me dije se punëtori që vdiq është Osman Bogaj, 50-vjeçar, i cili ishe pjesë e kompanisë “Metal Monte” nga Komorani.
Sipas këtyre burimeve, viktima ka rënë nga kati i tretë derisa po punonte në objektin e shkollës fillore të Grabanicës.
Pas marrjes së informacionit, Policia dhe ekipi i mjekëve kanë dalë menjëherë në vendin e ngjarjes, ku është konstatuar vdekja e 50-vjeçarit.
Lidhur me këtë rast, Sinjali mëson se prokurori ka urdhëruar që rasti të hapet si “hetim i vdekjes”.
