Një ngjarje e rëndë ka ndodhur sot në një familje në Prishtinë, ku një burrë dyshohet se ka vrarë bashkëshorten e tij.
Burimet e Gazetës Sinjali brenda Prokurorisë kanë bërë me dije se ngjarja ka ndodhur në orët e para të mëngjesit të sotëm, teksa i dyshuari është dorëzuar në Polici.
Njësitë policore bashkë me ekipin mjekësor kanë dalë menjëherë në vendin e ngjarjes ku kanë hasur në trupin e viktimës, vdekjen e së cilës e ka konstatuar mjeku kujdestar.
Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion, ndërsa i dyshuari është dërguar në mbajtje për 48 orë.
Demokracia.com ka tentuar të kontaktojë me Policinë e Kosovës por ata nuk kanë kthyer përgjigje
