Një person është gjetur pa shenja jete në një ndërtesë në rrugën “Zenel Hajdini”, në Ferizaj, dje, në orët e mbrëmjes. Viktima u gjet në shkallët e ndërtesës nga një banore e cila e pa burrin të shtrirë në tokë dhe e njoftoi menjëherë Policinë.
Sinjali mëson se bëhet fjalë për 70-vjeçarin F.M., vdekjen e të cilit e konstatoi ekipi i Emergjencës, posa ka dalë në vendin e ngjarjes.
Sipas burimeve të Sinjalit, edhe njësitë policore i janë përgjigjur rastit, teksa endë s’kanë marrë më shumë të dhëna për viktimën.
