“E pamë të arsyeshme, ai ka qenë shumë më i ri” – Adriana Matoshi flet për ndarjen nga Keith

Aktorja dhe deputetja, Adriana Matoshi para disa kohësh i ka dhënë fund lidhjes me futbollistin afrikano-belg, Keith Groeneveld.

Në një intervistë për ATV, Adriana tregoi arsyet e ndarjes.

“Thjesht jemi ndarë se e kemi parë të arsyeshme që të mos jemi më bashkë. Ka shumë arsye brenda përse. Mund të them shlirë nëse unë kisha menduar vetëm për veten time unë isha akoma bashkë, kam menduar për më larg. Nuk kam thënë që do të zgjasë tërë jetën. Nuk kam qenë e gatshme, Keith ka dashur shumë të krijoj familje. Nuk kam dashur edhe një fëmijë tjetër. Ai ka qenë shumë më i ri në moshë. Ai duhet të fokusohet në punë, në karrierë e në fund edhe në familje”, tregoi ajo.

Po ashtu ajo u shpreh falënderuese ndaj futbollistit për kohën sa i qëndroi afër.

“Jeta është kështu, duhet ta pranosh çdo gjë si rrjedh gjatë jetës. Është e vërtetë Keith më ka ndenjur shumë afër gjatë operacionit, më ka shikuar shumë. Edhe kur kam qenë keq, edhe përpara kur kam qenë mirë. Jam falënderuese deri në qiell”, u shpreh ajo.

Ndryshe kujtojmë që kjo lidhje e deputetes ishte mjaft e komentuar tek publiku dhe mediat rozë.