Rastet e dhunës në familje nuk janë edhe të pakta në vendin tonë. Në qytetin e Pejës, konfirmohet se një person e ka goditur me shishe të birrës babain e tij, ndërsa një tjetër ka ushtruar dhunë ndaj bashkëshortes.
Dje rreth orës 15:30 është raportuar në Policinë e Kosovës rasti ku burri ka rrahur gruan e tij e cila ka pranuar tretman mjekësor, shkruan Gazeta Papirus.
Ashtu siç konfirmon, Policia e Kosovës, viktima ka pranuar edhe tretman mjekësor dhe më pas është kthyer te familjarët e saj.
Ndërsa, i dyshuari është kapur nga Policia dhe është dërguar në stacion policor. Me vendim të Prokurorit të Shtetit, i njëjti është dërguar në mbajtje.
Një rast tjetër i dhunës ka ndodhur me datën 15 korrik në orën 17:00, me ç’rast raportohet se djali ka ushtruar dhunë ndaj babait të tij.
Siç informon Policia në raportin 24 orësh, i dyshuari e ka goditur babain e tij me shishe të birrës duke i shkaktuar edhe lëndime.
Para se të ndodh incidenti, bëhet e ditur se gjithçka ka nisur pas një mosmarrëveshje, ku djali e ka ofenduar prindin e tij, dhe më pas ka eskaluar në konfrontim fizik.
I dyshuari është arrestuar dhe me vendim të Prokurorit të Shtetit është dërguar në mbajtje.
/Gazeta Papirus/
