Gazeta Sinjali ka raportuar sot se një 50-vjeçar është gjetur pa shenja jete në fshatin Dobërllukë të komunës së Vushtrrisë, por sipas burimeve të redaksisë, i njëjti dyshohet se ka bërë vetëvrasje.
Lidhur me këtë rast, mediat lokale në Mitrovicë kanë raportuar se i ndjeri është Bexhet Uka, pronar i kompanisë “Uka Izolim”.
Sipas familjarëve dhe miqve të tij, Uka ka qenë një ndër biznesmenët më të suksesshëm në Mitrovicë.
Zëdhënësi i Policisë për rajonin e Mitrovicës, Ilmi Prekazi, e konfirmoi rastin duke thënë që po trajtohet si vdekje e dyshimtë.
Prekazi për Sinjalin tha se i ndjeri ka pasur shenja gjaku në pjesën e sipërme të trupit dhe një armë ka qenë në prehrin e tij.
