Një rast i rëndë ka ndodhur sot në orët e hershme të mëngjesit në lagjen Krsticinë në Shtërpcë, ku një një 75-vjeçare ka humbur jetën si pasojë e një zjarri që e kaploi dhomën.
Vdekja e viktimës u konstatua nga ekipi mjekësor në vendin e ngjarjes, ndërkaq trupi i pajetë, me urdhër të prokurorit, është dërguar në Institutin e Mjekësisë Ligjore në Prishtinë për autopsi.
Lajmin e konfirmuar zëdhënësi i policisë për rajonin e Ferizajt, Kanun Veseli, i cili tha se akoma nuk dihen shkaqet e zjarrit, por se hetuesit rajonalë janë duke grumbulluar informata dhe prova për të zbuluar shkaktarët e këtij rasti.
