Dy motrat nga Gjilani, Edona dhe Anisa Murseli, kanë diplomuar në universitetin prestigjioz “Yale University”, në Shtetet e Bashkuara të Amerikës.
Njëra ka diplomuar në nivelin Bachelor, e tjetra në Master.
Lajmin e ka bërë të ditur ish-nënkryetari i Komunës së Gjilanit, Arbër Ismajli.Ai ka bërë me dije se ato janë vajzat e profesorit Zijadin Murseli.
“Një ditë historike për Gjilanin dhe mbarë kombin shqiptar! Dy bijat e qytetit tonë, Edona dhe Anisa Murseli, shkëlqyen në skenën ndërkombëtare të dijes duke u diplomuar në Yale University, një nga institucionet më të njohura akademike! Edona me titull Master ndërsa Anisa me Bachelor, arritje që flet me gjuhën e përkushtimit, mençurisë dhe sakrificës. Krenaria jonë rritet kur e dimë se janë bijat e profesorit të nderuar Zijadin Murseli, një simbol i dijes dhe edukimit. Ky sukses nuk është vetëm personal i tyre, por është një gurthemeli për vetëbesimin e rinisë sonë për zhvillim dhe arritje shkencore”, ka shkruar Ismajli.
