Boksieri shqiptar, Florian Marku ka triumfuar ndaj boksierit irlandez Dylan Moran me nokaut. Atij nuk iu deshën më shumë se 54 sekonda, për ta detyruar Moranin që të dorëzojë ndeshjen.
Grushtet e Markut ishin tepër për kundërshtarin duke detyruar arbitrin të ndërhyjë dhe t’i japë fitoren 30-vjeçarin me Knock Out teknik.
Pas ndeshjes, Marku nuk harroi t’i hidhte dorezën e sfidës kundërshtarëve më të fortë britanik, ndërsa edhe njëherë theksoi se në një ndeshje të madhe, do të dhuronte edhe më shumë spektakël.
Kam punuar shumë për këtë rikthim, dua ndeshje të mëdha, boksierët nuk ndeshen me mua. I pres më të mirët. Dua një ndeshje të fortë dhe do ta shihni se çfarë do t’ju dhurojë”, u shpreh Marku.
Ai ka shkruar edhe në Facebook para disa orësh, ku i ka falënderuar të gjithë.
“U riktheva siç duhej ! Faleminderit Zotit për fitoren. Edhe pse ndeshja zgjati vetëm 54 sekonda ne Ring. Kam punuar me muaj te tere me ekipin per këte performance! Ju Falënderoj të gjithëve për përkrahjen”.
