Në kuadër të fushatës për zgjedhjet e 9 shkurtit, gjatë ditës së sotme janë takuar kandidatët për deputet nga radhët e PDK-së ,Driton Lajçi e Ragip Xhaka ku u diskutua për mbështetjen e klubeve sportive dhe talenteve të futbollit në Kosovë, si dhe projektet arsimore, ekonomike dhe kulturore që mund të ndërtojnë ura bashkëpunimi ndërmjet Zvicrës dhe Kosovës.
Xhaka shprehu gatishmërinë për të kontribuar në përmirësimin e kushteve në vend, duke theksuar rëndësinë e përfshirjes së diasporës në proceset zhvillimore të Kosovës.
Nga ana tjetër, Lajçi garantoi se prioritetet e tij si kandidat për deputet do të jenë ngritja e rinisë, përkrahja e sportit dhe zhvillimi ekonomik i qëndrueshëm.
Me moton “Kosovën Ma Mirë,” kjo nismë synon të inkurajojë qytetarët të mbështesin projekte konkrete për një të ardhme më të ndritur për Kosovën
Kujtojmë që që të dy kandidojnë për deputet nga radhët e PDK-së ku Driton Lajçi , mbart numrin 97 ndërkaq Ragip Xhaka me numër 34 .
